كلية الزراعة جامعة طنطا

كلية الزراعة - جامعه طنطا (مكتبة زراعية متكاملة فى جميع التخصصات)
 
الرئيسيةس .و .جبحـثالتسجيلدخول

شاطر | 
 

 زياره الى ضريح عبد الناصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
anasalfy

avatar


مُساهمةموضوع: زياره الى ضريح عبد الناصر   الثلاثاء 12 أبريل - 20:40

زياره زياره الى ضريح عبد الناصر

السكه مفروشه تيجان الفل والنرجس
والقبه صهوه فرس عليها الخضر بيبرجس
والمشربيه عرايس بتبكي
والبكا مشروع
مين دا اللي نايم وساكت
والسكات مسموع
سيدنا الحسين
والا صلاح الدين
والا الامام
دستور ياحراس المقام
ولا الكلام بالشكل ده ممنوع
على العموم انا مش ضليع في علوم الانضباط
ابويه كان مسلم صحيح
وكان غبي
وكان يصلي ع النبي
عند الغضب والانبساط
ابويا كان فلاح تعيس
في ليله ضلمه خلفوه
وف خرقه سوده لفلفوه
وف عيشه غبرا طلعوه
ولصموه
وطلسموه
ودجنوه
وجهزوه
وجوزه على عماه
فكان محير في هواه
مابين امي ومابين الجاموسه
وكان يخاف يقتل ناموسه
وكان خجول...خجول...خجول
لكنه كان دايما يقول
استغفر الله العظيم من باب الاحتياط
ابويه طلعتوه حمار
فكان طبيعي يجيبني جحش
لا اعرف نبي من اجنبي
ولا مين ماجاش ولا فين ماراحش
موسى نبي
عيسى نبي
وياقلبي صلي ع النبي
وكل وقت وله ادان
وكل عصر وله نبي
واحنا نبينا كده
من ضلعنا نابت
لامن سماهم وقع
ولا من مره شابت
ولا انخسف له القمر
ولاالنجوم غابت
ابوه صعيدي وفهم
قام طلعه ظابط
ظبط على قدنا
وع المزاج ظابط
فاجومي من كلمة منوعه تحديزنا
مالوش مره سابت
فلاح قليل الحيا
اذا الكلاب عابت
ولا يطاطيش للعدا
مهما السهام صابت
عمل حاجات معجزه
وحاجات كثير خابت
وعاش ومات وسطنا
على طبعنا ثابت
وان كان جرح قلبنا
كل الجراح طابت
ولا يطولوه العدا مهمها الامور جابت

بقلم الشاعر الكبير / أحمد فؤاد نجم

اعلانات
الرجوع الى أعلى الصفحة اذهب الى الأسفل
miramar

avatar


مُساهمةموضوع: رد: زياره الى ضريح عبد الناصر   الخميس 14 أبريل - 23:17

الرجوع الى أعلى الصفحة اذهب الى الأسفل
امه الله

avatar


مُساهمةموضوع: رد: زياره الى ضريح عبد الناصر   الجمعة 1 يوليو - 16:11

الرجوع الى أعلى الصفحة اذهب الى الأسفل
forgive me

avatar


مُساهمةموضوع: رد: زياره الى ضريح عبد الناصر   الجمعة 1 يوليو - 21:57

الرجوع الى أعلى الصفحة اذهب الى الأسفل
 
زياره الى ضريح عبد الناصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية الزراعة جامعة طنطا :: القسم العام :: قسم التعارف-
انتقل الى: