كلية الزراعة جامعة طنطا

كلية الزراعة - جامعه طنطا (مكتبة زراعية متكاملة فى جميع التخصصات)
 
الرئيسيةس .و .جبحـثالتسجيلدخول

شاطر | 
 

 نصيحه لكل بنت مخطوبه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابراهيم خيرالدين




مُساهمةموضوع: نصيحه لكل بنت مخطوبه    الجمعة 18 مارس - 21:35


آنستي العزيزة.. لو ربنا فك عقدتك..
واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى
على إيه.. إلى مثوااااه الأخير في قفص النسانيس.. قصدي قفص الزوجية السعيد..


أجمل ما في الخطوبة العزومات
الرومانسية.. على أحلى محلات أكل ف البلد.. واللي عمرك مانتي شايفاها بعد الجواز..
المهم نصائحي لك عند أي عزومة مع ختيبك.. قلنا رقه ....




1- الأول لازم تعرفي إن الشوكة
والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا
من فوق طبعًااا




2- العيش أوعي تفضحينا وتقطعيه
بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع
بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة..
اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....




3- الشوووربة.. أبوس كعب رجلك.. بند
الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي
فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا..
السلطانية اللي بتقيميها على بقك ف البيت.. وتدلدقي على روحك..


بالمعلقه وبدون صوت.. سخنة ولعة برضه
بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....




4- الرز طبعاً .. بيتاكل بالشوكة..
أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة..
وكأنك بتبوسيه مش بتاكليه..




5- المكرونة.. الاسباكتي.. برضه
بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش
تشفطي المكرونة عود عود..




6- السمك.. مشكلة.. شوفي.. بتفصلي
اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع
الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة
والسكينة وحطيها ف جنب الطبق وكملي أكل النص التاني.. وبدل الفيلم الهندي ده..
نصيحة.. ماتكليش السمك خالص.. قولي مابحبش السمك وخلصي نفسك..




7- الجمبري.. -إذا كنتي عارفاه-..
أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل
الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس
الجمبريياية.. بالشوكة.. أنا ف عرضك إنسي المصمصة دلوقت..




8- البطاطس سواء مسلوقة أو محمرة..
أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما
تكوني هاتعيطي من كتر ما البطاطس صعبانة عليكي..




9- الفاكهة.. لو الفاكهة فيها بذر..
طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع
الترابيزه.. أوعي ياحبيبتي من نظام التفتفة للبذر.. إنسي....




10- ولما تخلصي أكل تحطي إيدك على
بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا
عمري ما اتفجعت كدة.. أنا أودامي أسبوع.. هابطل أكل فيه.....


وبعدين تمسكي الفوطة اللي دايمًا
موجودة ع التربيزة من غير لازمة.. وتبوسيها.. آل يعني بتمسحي بؤك..


وبعدين تستأذني منه لدخول التوليت
لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي
جايباها معاكي.. وبالهنا والشفااااااااااااا قل لن يصيبنا الا ما كتب الله لنا ,,
Very Happy Laughing
الرجوع الى أعلى الصفحة اذهب الى الأسفل
"love without speaking"

avatar


مُساهمةموضوع: رد: نصيحه لكل بنت مخطوبه    الجمعة 18 مارس - 21:46

ههههههههههههههههههههههه

ايه التعذيب دا كله مفيش احلى من الطبيعه بس طبعا مش بالصوره دى خالص

وكمان شكلك بتحب البنات موووووووووووت Very Happy
الرجوع الى أعلى الصفحة اذهب الى الأسفل
mahmoud gamal

avatar


مُساهمةموضوع: رد: نصيحه لكل بنت مخطوبه    الجمعة 18 مارس - 23:22

تسلم ايدك جميلة فعلا بس اظن ان مفيش بنات كده مافيش احسن من التواضع والبساطه كل ده تعقيد


الرجوع الى أعلى الصفحة اذهب الى الأسفل
http://www.facebook.com/?ref=home#!/
sad man

avatar


مُساهمةموضوع: رد: نصيحه لكل بنت مخطوبه    السبت 19 مارس - 17:16

هههههههههههههههههههههههههههههههه حبيب قلبى احبك فى التعقيد بس فى الاخر ما بيسمعوش الكلام يا مان
الرجوع الى أعلى الصفحة اذهب الى الأسفل
world languages

avatar


مُساهمةموضوع: رد: نصيحه لكل بنت مخطوبه    السبت 19 مارس - 20:05

تم حذف الرد عدم ملائمته للموضوع وشكرا


عدل سابقا من قبل world languages في الأحد 20 مارس - 8:14 عدل 1 مرات
الرجوع الى أعلى الصفحة اذهب الى الأسفل
http://worldlanguages.forumegypt.net/
Sally Adel

avatar


مُساهمةموضوع: رد: نصيحه لكل بنت مخطوبه    الأحد 20 مارس - 0:57

يا بني حرام عليك انت معقدها كده ليه مش مستهله تعقييييييييييييييد والله
الرجوع الى أعلى الصفحة اذهب الى الأسفل
ابراهيم خيرالدين




مُساهمةموضوع: رد: نصيحه لكل بنت مخطوبه    الأحد 3 أبريل - 22:56

ههههههههههههه ياجماعه الموضوع كله هزار مش عارف لية فى بعضكم واخدينوا بجددية شوية هزااااااااااااااااااااااااااااار صح ولا اية يا sad man
الرجوع الى أعلى الصفحة اذهب الى الأسفل
miramar

avatar


مُساهمةموضوع: رد: نصيحه لكل بنت مخطوبه    الخميس 14 أبريل - 21:56


صح شويه هزار
بس مش للدرجه دى
انت هتعقد البنات التانيه كده
الرجوع الى أعلى الصفحة اذهب الى الأسفل
امه الله

avatar


مُساهمةموضوع: رد: نصيحه لكل بنت مخطوبه    الجمعة 1 يوليو - 16:30

ههههههههههههههههههههههههههههههههه هحاول اعمل بيها يمكن تيجي بفائده

الحياه بطبيعتها اجمل حياه
الرجوع الى أعلى الصفحة اذهب الى الأسفل
Alomak Leeh

avatar


مُساهمةموضوع: رد: نصيحه لكل بنت مخطوبه    السبت 2 يوليو - 10:52

طب مااحسن من ده كله تعزمه عندها فى البيت والاكل هتكون عملاه بايديها يعنى عارفه بيتاكل ازاى بدل الفضايح دى كلها
مع ان استحاله يكون فى بنات بالطريقه دى
الرجوع الى أعلى الصفحة اذهب الى الأسفل
donot let me go...

avatar


مُساهمةموضوع: رد: نصيحه لكل بنت مخطوبه    الأحد 3 يوليو - 15:39

ههههههههههه
والله الواحد مش عارف من غيرك كان هيعمل ايه
انا كنت فاقده الامل فى انى اتخطب
دلوقتى مش عاوزه
الرجوع الى أعلى الصفحة اذهب الى الأسفل
 
نصيحه لكل بنت مخطوبه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلية الزراعة جامعة طنطا :: القسم العام :: قسم التعارف-
انتقل الى: